Govt employees Absent In Anantnag اننت ناگ میں غیر حاضر ملازمین کے خلاف کریک ڈاؤن،92 ملازمین غیر حاضر پائے گئے

ضلع ترقیاتی کمشنر اننت ناگ، ڈاکٹر بشارت قیوم کی ہدایت پر ضلع بھر میں غیر حاضر اور تاخیر سے دفتر آنے والے ملازمین کے خلاف کریک ڈاون کیا گیا۔ اس دوران 92 ملازمین کو ڈیوٹی سے غیر حاضر پایا گیا۔Govt employees Absent In Anantnag

اننت ناگ: ڈپٹی کمشنر اننت ناگ، ڈاکٹر بشارت قیوم کی ہدایت پر ضلع بھر میں غیر حاضر اور تاخیر سے دفتر آنے والے سرکاری ملازمین کے خلاف سخت کارروائی کی گئی اس دوران ضلع انتظامیہ کے سینیئر افسران نے 58 دفاتر کا اچانک معائنہ کیا اور 92 ملازمین کو غیر حاضر پایا۔DC Anantnag Surprise Visit

تفصیلات کے مطابق ڈپٹی کمشنر نے صبح ساڑے دس بجے ڈی آفس کا مین گیٹ ایک گھنٹے کے لئے بند کر دیا اور کسی بھی ملازم کو اندر جانے کی اجازت نہیں دی گئی۔ اس دوران تمام دفاتر میں سرکاری ملازمین کی حاضری کو چک کیا گیا۔ اس دوران 92 سرکاری ملازمیں کو غیر حاضر پایا گیا ہے۔Govt employees Absent In Anantnag

ڈی سی نے کہا کہ غیر حاضری اور وقت کی پابندی نہ کرنے کے خلاف زیرو ٹالرنس کی پالیسی ہے۔ انہوں نے کہا کہ ضلع کے بیشتر دفاتر میں بائیو میٹرک حاضری لگا دی گئی ہے، جو بھی سرکاری اہلکار اصولوں کی خلاف ورزی کرے گا اس کے خلاف سخت کارروائی کی جائے گی۔ انہوں نے کہا کہ اس طرح کا اچانک معائنہ مستقبل میں بھی جاری رہے گا۔

ڈی سی آفس نے متعلقہ حکام کو غیر حاضر ملازمین کے خلاف تادیبی کارروائی شروع کرنے کی ہدایات جاری کر دی ہیں۔ مذکورہ دفاتر کے ضلعی سربراہان سے بھی کوتاہی کو لے کر وضاحت کرنے کو کہا گیا ہے۔