ڈپٹی کمشنر اننت ناگ کی ہدایت پر ماوورہ پہلگام کے علاقے میں انہدامی کارروائی شروع کی گئی۔ اس مہم میں ایس ایچ او پہلگام کے ساتھ تحصیلدار ڈاکٹر ارشد حسین اور پی ڈی اے کے ملازمین بھی موجود تھے۔
ذرائع نے بتایا کہ موورا پہلگام میں آج انتظامیہ نے 30 کنال ریاستی اراضی تجاوزات سے آزاد کرائی۔ انہوں نے مزید کہا کہ سرکاری زمین پر غیر قانونی طور پر دیواریں تعمیر کی گئی تھیں۔
انہوں نے کہا کہ 'ماوورا پہلگام سے اطلاعات ملی تھیں کہ مقامی ہوٹل والوں نے غیر قانونی طور پر سرکاری اراضی پر قبضہ کیا گیا تھا اور ہوٹلز تعمیر کیے جا رہے تھے۔
اس معاملے پر کارروائی کرتے ہوئے انتظامیہ نے تقریبا 30 کنال اراضی پر انہدامی کارروائی کے ذریعے غیر قانونی ڈھانچوں کو مسمار کیا۔ وہیں، انتظامیہ نے ہوٹلوں کو خبردار کیا ہے کہ وہ علاقے میں کسی بھی طرح کی غیر قانونی تعمیر یا تجاوزات میں ملوث نہ ہوں۔
انہوں نے مزید کہا کہ 'انہدامی مہم آئندہ بھی جاری رہے گی اور تجاوزات کرنے والوں سے کہا گیا ہے کہ وہ تجاوزات کو چھوڑ دیں۔
