ہمارے خلاف گینگ بنائی گئی ہے: شہنواز حسین

شہنواز حسین نے کہا کہ بی جے پی بہت بڑی طاقت ہے اسی لیے سب لوگوں نے ہمارے خلاف اکھٹے ہو کر گینگ بنائی ہے۔

مرکزی وزیر اور بی جے پی کے قومی ترجمان شہنواز حسین نے کہا کہ بی جے پی عسکریت پسندوں سے ڈرنے والی نہیں ہے۔ اگر بی جے پی عسکریت پسندوں سے ڈرتی تو چناوی مہم میں اتنے لوگ ان کے ساتھ شامل نہیں ہوتے۔

انہوں نے کہا کہ ریاست میں عسکریت پسندی کا خاتمہ کیا جائے گا اور عسکریت پسندی کا صفایا آخری دم تک جاری رہے گا۔

شاہنواز نے کہا کہ بی جے پی اپنے دم پر انتخابات لڑ رہی ہے اور انہیں امید ہے کہ جموں و کشمیر میں وہ کنول کا پھول کھلانے میں کامیاب ہونگے۔

ڈی ڈی سی انتخابات میں حصہ لینے والے دیگر پارٹیوں کے امیدواروں کو انتخابی مہم نہ چلانے دینے کے بارے میں پوچھے گئے ایک سوال کے جواب میں شہنواز حسین نے کہا کہ کسی بھی امیدوار کو اپنی چناوی مہم سے روکا نہیں جا رہا ہے اور ہر پارٹی کے امیدوار کو چناوی مہم آزادانہ طور چلانے کا حق ہے۔