ضلع اننت ناگ کے شانگس علاقے میں عوامی دربار کے دوران ڈی سی اننت ناگ سمیت انتظامیہ اور مختلف محکمہ جات کے افسران نے شرکت کی۔
عوامی دربار کے دوران مختلف علاقہ جات سے آئے وفود نے افسران کو اپنے اپنے علاقہ جات میں درپیش مشکلات سے آگاہ کیا۔
عوامی وفود نے شانگس کے لئے زنانہ ڈگری کالج، منی سیکریٹریٹ، ڈاٹی ناگ میں پارک، پنچایت حلقہ شانگس کی حد بندی، ٹیلی کام کی سہولیات، سب ضلع اسپتال میں بلڈ بینک کے قیام سمیت کئی مطالبات افسران کے سامنے رکھے۔
ڈی سی اننت ناگ نے عوامی شکایات سننے کے بعد متعلقہ محکموں کے افسران کو ہدایات دی کہ عوامی مطالبات کو جلد پورا کرنے کے لیے سنجیدہ اور ٹھوس اقدامات اٹھائے جائیں۔
اس موقع پر ڈی سی اننت ناگ نے 73rdترمیم جموں و کشمیر میں بھی لاگو ہونے پر روشنی ڈالتے ہوئے کہا کہ ’’اب کشمیر میں پنچایتوں کو کافی اختیارات دئے گئے ہیں، انہیں چاہئے کہ عوام کو درپیش مشکلات کے ازالہ کو اولین ترجیح دی جائے۔‘‘
