ضلع اننت ناگ کے شانگس علاقے میں حالیہ ایام میں کورونا کے متعدد مثبت کیس سامنے آنے کے بعد میونسپل کمیٹی اچھہ بل نے علاقے میں جراثیم کش ادویات کے چھڑکاؤ کی مہم تیز کر دی ہے۔
کورونا وائرس: جراثیم کش ادویات کا چھڑکاؤ جاری
جن علاقوں میں جراثیم کش اسپرے کیا جا رہا ہے، ان میں، شانگس، نوگام، پشرو، کللو، اگجہ بالن اور سومبرنہ شامل ہیں، یہ اسپرے ان علاقوں میں روز کیا جا رہا ہے کیونکہ بڑھتے مثبت کیسز کے باعث یہ گاؤں ریڈ زون کے زمرے میں شامل کیے گئے ہیں۔
اس موقعے پر میونسپل کونسل کے ایگزیکٹو آفسر حاجی عبدالمجید کا کہنا تھا کہ ’’لاک ڈاؤن اور سماجی دوری کا پوری طرح نفاذ کرنے کے بعد ہی کورونا کے پھیلائو کو کم کرنے کی امید کی جا سکتی ہے۔ اور لوگوں کے تعاون سے جلد ہی پورے علاقے کو کووڈ فری بنانے کی کوشش کریں گے۔''
