تفصیلات کے مطابق حلقہ انتخاب کوکرناگ کے دراوئے علاقے میں فوج کو عسکریت پسندوں کے چھپے ہونے کی ایک اطلاع موصول ہوئی ہے، جس کے فوراً بعد فوج کی 19 آر آر نے لارنو بلاک کے دراوئے علاقہ کا محاصرہ شروع کیا ہے۔ اس دوران گھر گھر تلاشی لی جارہی تھی۔
خبر لکھنے تک تلاشی کاروائی جاری ہے۔
جموں و کشمیر: کورونا متاثرین کی تعداد 1 لاکھ کے پار
واضح رہے کہ دفعہ 370 کی منسوخی اور ریاست کو دو مرکزی علاقوں میں منقسم کرنے کے بعد سے سیکیورٹی فورسز نے عسکری مخالف کاروائیوں میں تیزی لائی ہے۔ رواں برس اب تک مختلف تصادم آرائیوں کے دوران 195 عسکریت پسندوں کو ہلاک کیا گیا ہے۔ اس کے علاوہ ان تصادم آرائیوں کے دوران درجنوں سیکیورٹی اہلکار بھی ہلاک ہو گئے ہیں۔ دو روز قبل کپواڑہ کے مژھل علاقے میں سیکیورٹی فورسز نے عسکریت پسندوں کی جانب سے کی گئی دراندازی کو ناکام بناتے ہوئے تین عسکریت پسندوں کو مار گرایا تھا، اس تصادم میں تین سیکیورٹی اہلکار بھی ہلاک ہو گئے تھے۔
