کوکر ناگ میں بادل پھٹنے سے ایک درجن مویشی ہلاک، متعدد لاپتہ

متاثرین نے حکومت سے معاوضے کی اپیل کی ہے تاکہ ان کے نقصان کی کسی حد تک بھر پائی ہوسکے۔

جنوبی کشمیر کے ضلع اننت ناگ کے لارنو جنگلاتی علاقے میں بادل پھٹنے سے قریب ایک درجن بھیڑ بکریاں ہلاک جبکہ متعدد لاپتہ ہوئی ہیں۔

سرکاری ذرائع نے بتایا کہ کوکر ناگ کے متھنڈو لارنو جنگل علاقے میں بادل پھٹنے سے کم سے کم ایک درجن بھیڑ بکریاں ہلاک جبکہ متعدد لاپتہ ہوئی ہیں۔

انہوں نے بتایا کہ ان مویشیوں کا مالک ستار شیخ ولد عبدالعزیز شیخ ساکن سرنکوٹ اور اس کے رشتہ دار تھے۔

دریں اثنا متاثرین نے حکومت سے معاوضے کی اپیل کی ہے تاکہ ان کے نقصان کی کسی حد تک بھر پائی ہوسکے۔

یو این آئی