جنوبی کشمیر کے ویری ناگ علاقے میں بی ایس این ایل کی قدیم عمارت کھنڈرات میں تبدیل ہونے کے بعد اب منشیات میں ملوث افراد کا ٹھکانہ بن چکی ہے۔
اس جائیداد پر کسی زمانے میں بی ایس این ایل کا ایکسچینج ہوا کرتا تھا لیکن نامعلوم وجوہات کے بنا پر اسے منتقل کرکے ڈھانچوں کو آوارہ کتوں کے لیے چھوڑ دیا گیا۔
وقت گزرنے کے ساتھ ہی ایکسچینج کھنڈرات میں تبدیل ہوگیا اور اس پر خود رو بھنگ کی بھرمار کے سبب یہ جائیداد منشیات میں ملوث افراد کے لیے مستقل اڈہ بن چکی ہے۔
اس سلسلے میں ای ٹی وی بھارت نے بی ایس این ایل کے اعلی افسران سے فون پر رابطہ کرنے کی کوشش کی تاہم کسی بھی افسر رابطہ قائم نہ ہو سکا۔
جہاں سرکار و انتظامیہ کی جانب سے منشیات کا قلع قمع کرنے کے لیے مختلف مہمیں شروع کی جاتی ہیں وہیں ویری ناگ جیسی عمارت کو لاوارث چھوڑ کر منشیات کے فروغ کو کھلم کھلا دعوت دی جاتی ہے۔
