اننت ناگ: جنوبی کشمیر کے ضلع اننت ناگ کے رخِ مومن علاقے میں عسکریت پسندوں کے حملے میں زخمی ہوئے دو غیر مقامی افراد کو اور عسکریت پسندوں کی بوکھلاہٹ قرار دیتے ہوئے بھارتیہ جنتا پارٹی (بی جے پی) کے سینئر لیڈر اور پارٹی کے یو ٹی صدر صوفی محمد یوسف نے حملہ کی سخت مذمت کی۔Sofi Yusuf Condemns Attack on Migrant Labourers
میڈیا نمائندوں کے ساتھ بات کرتے ہوئے صوفی یوسف نے کہا کہ ’’یہ پاکستان کی ناپاک سازش ہے جسے کامیاب نہیں ہونے دیا جائے گا۔‘‘ صوفی یوسف کے مطابق ’’ایسے حملوں سے غیر ریاستی باشندوں کا حوصلہ پست نہیں ہوا ہے کیونکہ ہر ایک کشمیری باشندہ ان کے ساتھ کھڑا ہے۔ انہیں ماضی میں بھی خوش آمدید کیا ہے آئندہ بھی اس روایت کو یہاں کے باشندے زندہ رکھے گے۔‘‘ بی جے پی لیڈر کا مزید کہنا ہے کہ ’’5 اگست 2019 سے عسکریت پسندوں کے حوصلے پست ہو گئے ہیں اور اب وہ بے گناہوں کو تشدد کا نشانہ بنا رہے ہیں۔‘‘ Militant Attack on Non locals
واضح رہے کہ سنیچر کی شام عسکریت پسندوں کے حملہ میں زخمی ہوئے دو غیر مقامی باشندے اس وقت سرینگر کے سکمز اسپتال میں زیر علاج ہے۔ حملہ میں چھوٹو پرساد ساکنہ گورکھپور اور گونبد ساکنہ خوشی نگر اترپردیش گولی لگنے کے سبب شدید زخمی ہو گئے تھے۔ اس حملے کے بعد جموں کشمیر پولیس اور سیکورٹی فورسز نے جائے واردات پر پہنچ کر حالات کا جائزہ لیا اور اندھیرے کا فائدہ اٹھا کر فرار ہوئے حملہ آوروں کی بڑے پیمانے پر تلاش شروع کر دی۔ ادھر اننت ناگ پولیس نے اس ضمن میں بجبہاڑہ پولیس اسٹیشن میں ایک معاملہ بھی درج کر لیا ہے۔
مزید پڑھیں: عسکریت پسندوں کے حملے میں 5 سی آر پی ایف اہلکار ہلاک
