جنوبی کشمیر کے ضلع اننت ناگ کے ویری ناگ علاقہ میں گزشتہ شب کچھ نامعلوم بندوق برداروں نے بھارتیہ جنتا پارٹی کے سینئر رہنما پینکا ملک کے گھر پر گولیاں چلائیں۔
حالانکہ فائرنگ کی وجہ سے گھر میں کوئی بھی جانی نقصان نہیں ہوا۔ حملے کے بعد علاقے میں خوف و دہشت کا ماحول پیدا ہو گیا ہے۔
گولیوں کی وجہ سے مکان کی کھڑکیوں کو معمولی نقصان پہنچا ہے۔ وہیں اس معاملے میں پولیس اسٹیشن ڈورو میں ایف آئی آر درج کی گئی اور تحقیقات شروع کر دی ہے۔
جس وقت یہ حادثہ پیش آیا اس وقت پینکا ملک گھر میں موجود نہیں تھے۔
کشمیر میں آئے روز نہ معلوم بندوق برداروں کی جانب سے لوگوں کو ہلاک کرنے کی خبریں سامنے آتی رہتی ہیں، حال ہی میں نامعلوم بندوق برداروں نے مشہور وکیل اور سماجی کارکن باربر قادری کو ہلاک کر دیا۔
یہ بھی پڑھیے
شوپیان فرضی انکاؤنٹر: تینوں نوجوان کی لاشیں اہل خانہ کے سپرد
اس سے پہلے بھی آٹھ جون کو ضلع اننت ناگ میں نامعلوم بندوق برداوں نے سرپنچ اجے پنڈیتا کو ہلاک کیا۔ وہیں حکومت و انتظامیہ آج تک ان نامعلوم بندوق برداروں کا سراغ نہیں لگا پائی ہے۔
