18 برس سے زائد کی عمر والے افراد میں کورونا ویکسین کا صد فیصد ہدف مکمل کرنے والا ضلع اننت ناگ کشمیر صوبے کا پہلا ضلع بن گیا ہے۔
سی ایم او اننت ناگ، ڈاکٹر مختار احمد شاہ نے ای ٹی وی بھارت کے ساتھ فون پر بات کرتے ہوئے تصدیق کی کہ ضلع اننت ناگ میں 18برس سے زائد عمر کی صد فیصد آبادی کو کورونا مخالف ویکسین کی خوراک دی جا چکی ہے جبکہ ویکسین کی مناسب دستیابی، معقول سپلائی، صحت اور دیگر شعبوں کے ساتھ ساتھ انتظامیہ کی کوششیں منظم طریقہ کار اور عوامی تعاون اس بڑے سنگ میل کو عبور کرنے کے پیچھے کارفرماں ہیں۔
اس کے علاوہ افسران اور حکام کے ذریعہ سوشل میڈیا کا استعمال جس میں انہوں نے لوگوں کو ویکسینیشن کے تئیں بیدار کرنے اور اس کی خصوصیت کو اجاگر کیا۔
صد فیصد ویکسینیشن کا ہدف مکمل کیے جانے پر ڈی سی اننت ناگ نے کہا کہ ’’یہ ضلع کے لیے قابل فخر لمحہ ہے۔‘‘ انہوں نے اس کامیابی کا سہرا محکمہ صحت اور فرنٹ لائن ورکرس کے سر باندھا۔
مزید پڑھیں: اننت ناگ:کرنٹ لگنے سے خاتون کی موت
ڈی سی اننت ناگ نے کہا کہ فرنٹ لائن ورکرس کی کاوشوں سے ضلع کو یہ سنگ میل عبور کرنے میں کامیابی حاصل ہوئی ہے۔ انہوں نے ویکسین کی موافق اسٹاک کی دستیابی پر ایل جی کا بھی شکریہ ادا کیا۔
یہ بھی پڑھیں: اننت ناگ کی سڑکوں پر ریڑھی والوں کے قبضہ سے عوام کو مشکلات
قابل ذکر ہے کہ شمالی کشمیر کے ضلع بانڈی پورہ کا ووین علاقہ ملک کا پہلا ایسا گائوں ہے جہاں 18سے زائد عمر کی صد فیصد آبادی کو ویکیسن کی خوراک دی جا چکی ہے۔
