ضلع اننت ناگ کے سمتھن علاقہ میں اتوار کے روز عسکریت پسندوں اور سکیورٹی فورسز کے مابین ایک تصادم کے دوران دو مقامی عسکریت پسندوں کو ہلاک کیا گیا تھا۔
عسکریت پسندوں کی ہلاکت کے بعد پیر کو قصبہ بجبہاڑہ میں ہڑتال کی گئی۔ قصبہ میں دکانیں اور کاروباری ادارے بند رہے جبکہ ٹریفک کی نقل حمل بھی متاثر رہی۔
وہیں قصبہ کے کئی مقامات پر پتھراؤ کے چند چھوٹے واقعات پیش آنے کی خبر موصول ہوئی ہے۔
پتھرائو کے واقعات کے بعد پولیس حرکت میں آگئی اور حالات کو قابو میں کیا گیا۔ قصبہ میں پولیس کی بھاری نفری کو تعینات کیا گیا ہے، مجموعی طور پر بجبہاڑہ علاقہ میں حالات پر امن ہیں۔
قابل ذکر ہے کہ اتوار کو ہلاک کیے گئے عسکریت پسندوں میں بجبہاڑہ، گوری ون کے رہنے والے عامر حسین گنائی اور تکیہ مقصود شاہ کے رہنے والے توصیف احمد شامل ہیں۔
پولیس کے مطابق مذکورہ عسکریت پسند ٹیریٹوریل آرمی جوان محمد سلیم کی ہلاکت میں ملوث تھے۔
