بجبہاڑہ پولیس نے چند گھنٹوں میں مسروقہ مال برآمد کرلیا

اننت ناگ پولیس نے چوری کا معاملہ کچھ گھنٹوں میں حل کرکے نقب زنوں سے تقریباً دو لاکھ روپئے مالیت کے زیورات بازیاب کرنے کا دعویٰ کیا ہے۔

ضلع اننت ناگ کے بجبہاڈہ پولیس اسٹیشن میں گوری علاقہ کے رہائشی محمد جبار ڈار نامی ایک شخص نے چوری کی ایک تحریری درج کی جس کے بعد بجبہاڑہ پولیس نے فوری طور کارروائی عمل میں لائی۔

شکایت کنندہ کے مطابق انکے رہائشی مکان سے تقریبا 2 لاکھ مالیت کے زیورات چوری ہوئے۔ کارروائی کے دوران بجبہاڑہ پولیس نے ایک مشتبہ شخص کی گرفتاری عمل میں لائی۔ پولیس کے مطابق پوچھ تاچھ کے دوران اس شخص نے چوری کا اعتراف کیا۔

پولیس کے مطابق چوری کیے گئے سبھی زیورات نشاندہی کے بعد پمپوش محلہ کی ایک دکان سے برآمد ہوئے، جو عادل احمد ڈار نامی ایک مقامی شخص کی دکان ہے۔

پولیس نے گرفتار کیے گئے شخص کی شناخت گوری، ہانجی پورہ، اننت ناگ کے شاہد ڈار کے طور پر کی ہے۔

اس حوالے سے پولیس نے ایک ایف آئی آر 213/2021 بجبہاڑہ پولیس اسٹیشن میں درج کر کے مزید کارروائی شروع کر دی ہے۔