اننت ناگ پولیس نے ریونیو اور ایکسائز محکموں کے ساتھ مل کر منشیات کی کاشت کے خلاف خصوصی مہم شروع کی۔ ضلع کے ولرہامہ، پہلگام اور آنچی ڈورو اننت ناگ میں قریب 60 کنال اراضی پر پھیلی پوست کی کاشت کو تباہ کردیا۔
معاشرے سے منشیات کے لعنت کے خاتمے کے لئے اپنی کوششوں کو جاری رکھتے ہوئے اننت ناگ پولیس نے ایگزیکٹو مجسٹریٹ کے ہمراہ پولیس اسٹیشن پہلگام کے دائرہ اختیار میں آنے والے ولرہامہ علاقے میں پوست کی کاشت کو تباہ کر دیا۔
پولیس اسٹیشن پہلگام کی ٹیم نے محکمہ ریونیو اور ایکسائز محکموں کے ہمراہ ولرہامہ پہلگام میں تقریبا50 کنال اراضی پر کی جا رہی پوست کی فصل کو تباہ کر دیا۔
اس کے علاوہ پولیس اسٹیشن اننت ناگ کی ایک اور ٹیم نے آنچی ڈورہ اننت ناگ میں 10 کنال اراضی پر کی جا رہی پوست کی کاشت کو تباہ کردیا۔
پولیس نے عوام سے پوست اور بھنگ کی ممنوعہ کاشت سے متعلق معلومات کو فوری طور حکام تک پہنچانے کی اپیل کی۔
پولیس کے مطابق ’’منشیات فروشی اور اس طرح کی ممنوعہ فصلوں کی کاشت میں ملوث پائے گئے افراد کے خلاف قانونی کارروائی کی جائے گی۔‘‘
