جنوبی کشمیر کے ضلع اننت ناگ میں ایک مصدقہ اطلاع موصول ہونے کے بعد پیر کی دوپہر جنگلات منڈی پولیس چوکی سے وابستہ پولیس اہلکاروں کی ایک نے بلال کراسنگ، جنگلات منڈی کے مقام پر ایک ناکہ قائم کیا۔
ناکہ پر تلاشی کارروائی کے دوران موٹر سائیکل پر سوار دو افراد سے منشیات کے لئے استعمال کی جانے والی، میفر پی ڈی، اور اسپازمو پروکزوان کے 7 ہزار 1 سو 60 گولیاں (ٹیبلٹس) بر آمد کی گئیں۔
اس سلسلہ میں پولیس نے موٹر سائیکل پر سوار دونوں افراد کو گرفتار کرکے منشیات کو ضبط کر لیا۔
مزید پڑھیں: اننت ناگ: نالہ سے نوزائیدہ بچے کی لاش برآمد
پولیس نے گرفتار کیے گئے افراد کی شناخت ویسو، قاضی گنڈ کے رہنے والے کوثر احمد کھانڈے ولد محمد عبداللہ کھانڈے اور بلال احمد نائکو ولد نظیر احمد نائکو کے طور پر کی ہے۔
پولیس نے این ڈی پی ایس ایکٹ کے تحت دونوں افراد کے خلاف ایف آئی آر درج کیا کرکے مزید تحقیقات شروع کر دی ہے۔
