اننت ناگ: ایک شخص منشیات سمیت گرفتار

گرفتار شدہ شخص کی شناخت بانڈر پورہ کنیلون کے رہنے والے جاوید احمد بٹ ولد غلام حسن بٹ کے طور ہوئی ہے۔

منشیات کے خلاف مہم کو جاری رکھتے ہوئے اننت ناگ پولیس نے بجبہاڑہ کے مقام پر ایک شخص کو منشیات سمیت گرفتار کیا ہے۔

تفصیلات کے مطابق ایک مصدقہ اطلاع موصول ہونے کے بعد اننت ناگ پولیس نے ضلع کے بجبہاڑہ کری کدل کے مقام پر ایک ناکہ قائم کیا۔ تلاشی کے دوران ایک شخص سے دو کلو گرام چرس برآمد کیا گیا۔

گرفتار شدہ شخص کی شناخت بانڈر پورہ کنیلون کے رہنے والے جاوید احمد بٹ ولد غلام حسن بٹ کے طور ہوئی ہے۔ پولیس نے ملزم کو گرفتار کیا ہے اور اس کے خلاف پولیس اسٹیشن بجبہاڑہ میں ایک ایف آئی آر درج کرکے مزید تحقیقات شروع کی ہے۔

پولیس نے عوام سے کہا ہے کہ وہ سماج کو منشیات سے پاک بنانے کے لئے پولیس کو اپنا بھرپور تعاون فراہم کریں۔