اننت ناگ کے چھٹی پورہ کے منظور احمد تیلی کا 20 سالہ فرزند زاہد منظور جمعہ کے روز اپنے گھر سے کرکٹ کھیلنے کے لیے نکلا ہے تاہم ابھی تک وہ گھر واپس نہیں آیا۔ جسکی وجہ سے اہل خانہ اور رشتہ داروں میں طرح طرح کے خدشات پائے جا رہے ہیں۔
زاہد پالیٹیکنک کا طالب علم ہے اور گھر والوں کے مطابق وہ لاک ڈاؤن کے دوران آن لائن کلاسز میں مسلسل شامل رہتا تھا۔ اہل خانہ کے مطابق زاہد نہایت ہی شریف اور ملنسار لڑکا ہے۔
زاہد اپنے خاندان میں واحد لڑکا ہے۔ اسکے اچانک لاپتہ ہونے سے پورے خاندان میں غم کی لہر دوڑ گئی ہے۔ زاہد کے افراد خانہ نے اسے گھر لوٹنے کی تلقین کی ہے اور عوام سے اپیل کی ہے کہ کسی کو بھی اگر زاہد کے بارے میں جانکاری ملے تو ان سے رابطہ کریں۔
یہ بھی پڑھیے
International Day Against Drug Abuse: انسداد منشیات کا عالمی دن کے موقع پر تقریب
واضح رہے کہ اس سلسلے میں پولیس اسٹیشن مٹن، اننت ناگ میں ایک کیس درج کیا گیا ہے اور زاہد کی تلاش شروع کر دی گئی ہے۔
