دنیا آج کل ترقی کی راہ پر گامزن ہے اور اب زمانہ جدید میں سارا کام مشینوں سے لیا جاتا ہے ایسے میں اننت ناگ ضلع کے قصبہ بجبہاڑہ کے سرہامہ اور اس کے مضافاتی علاقوں میں لوگ گدھوں کو آوارہ در بہ در کی ٹھوکریں کھانے کے لئے چھوڑ دیتے ہیں۔
گدھوں کی اہمیت اور اِن کی ضرورت دن بہ دن کم ہوتی نظر آ رہی ہے۔ اِن کا وجود ختم ہونے کو ہے۔ ایسا لگتا ہے اس دنیا میں شاید اب اِن کے لئے مایوسی کے سوا کوئی چیز میسر نہیں ہے۔ کام لینے کے بعد اِن پر طرح طرح کے مظالم ڈھائے جاتے ہیں کبھی ڈنڈے سے ہانکا جاتا ہے تو کبھی بچے دوڑا دوڑا کر لات مارتے ہیں۔
اب تو انسانیت کی حد ہو چکی ہے۔ سردی ہو یا گرمی اِنہیں گھروں سے دور مرنے کے لئے چھوڑ دیا جاتا ہے۔ کوئی گھر کے سہن میں جگہ دینے کو تیار نہیں ہے۔
ای ٹی وی بھارت کے نمائندہ نے جب مقامی لوگوں سے بات کی تو لوگوں نے کہا کہ گدھوں کے مالکان کام لینے کے بعد انہیں آوارہ چھوڑ دیتے ہیں اور یہ آوارہ گدھے ہماری فصلوں کو تباہ کر دیتے ہیں اور ہماری محنت ضائع ہو جاتی ہے۔
مقامی لوگوں نے انظامیہ سے مطالبہ کیا ہے کہ اِن گدھوں کے مالکان کے خلاف کاروائی کی جائے یا اِن کے لئے ایک مخصوص جگہ مقرر کی جائے تاکہ اِن کو دھوپ کی تپش یا بارش میں پریشانی نہ اٹھانی پڑے۔
