ویری ناگ میں عارضی ملازمین کا احتجاج

ضلع اننت ناگ کے ویری ناگ علاقے میں محکمہ جنگلات سے وابستہ عارضی ملازمین گزشتہ دو روز رینج آفس کے سامنے دھرنے پر بیٹھے ہیں۔

محکمہ جنگلات میں یومیہ اجرت پر کام کر رہے عارضی ملازمین نے اجرتیں واگزار کرنے کی مانگ کرتے ہوئے ضلع اننت ناگ کے ویری ناگ علاقے میں محکمہ کے رینج آفس کے سامنے احتجاج کیا۔

قابل ذکر ہے کہ یومیہ اجرت پر کام کر رہے عارضی ملازمین گزشتہ دو روز سے احتجاجی دھرنے پر ہیں۔

احتجاج کر رہے عارضی ملازمین کا کہنا ہے کہ وہ گزشتہ 9 ماہ سے اجرتوں سے محروم ہیں۔ انہوں نے رکی پڑی اجرتوں کو جلد واگزار کرنے کی مانگ کی۔

انہوں نے الزام عائد کرتے ہوئے کہا کہ بعض عارضی ملازمین کی تنخواہیں واگزار کی جا چکی ہیں جبکہ چند عارضی ملازمین کی ’’تنخواہیں بلا سبب روکی جا رہی ہیں۔‘‘