جنوبی کشمیر میں ضلع اننت ناگ کے حلقہ انتخاب کوکرناگ کے دیہی علاقوں میں انتظامیہ کی جانب سے عوامی مشکلات کا ازالہ کرنے اور ترقیاتی پروگراموں کو شروع کرنے کے لیے بلاک دیوس کا اہتمام کیا گیا۔
بلاک دیوس کا اہتمام کوکرناگ کے بجٹ اکامڈیشن ہال میں کیا گیا۔ پروگرام کی صدارت ڈپٹی کمشنر اننت ناگ انشل گرگ نے انجام دی جبکہ پروگرام میں ایڈیشینل ڈیپٹی کمشنر کے علاوہ ڈسٹرکٹ ڈیولپمنٹ کونسلر، ایس ڈی ایم، تحصیلدار اور انتظامیہ کے دیگر عہدیدار موجود تھے۔ جبکہ اس موقع پر مقامی لوگوں کی کثیر تعداد بھی موجود تھی۔
ڈی سی اننت ناگ نے افسران کو عوامی مسائل حل کرنے کی تلقین کی ’’تاکہ عوام راحت کی سانس لے سکے۔‘‘
بلاک دیوس کے دوران مختلف دیہات کے درجنوں وفود نے اپنے اپنے علاقہ جات کے مسائل انتظامیہ کی نوٹس میں لائے۔ ڈی سی اننت ناگ نے عوام کو درپیش مسائل کا فوری طور ازالہ کرنے کے لیے افسران کو ہدایات جاری کی۔
مزید پڑھیں؛ غیرملکی سفارتکاروں کے دورۂ کشمیر پر سیاسی رہنماؤں کا رد عمل
ڈپٹی کمشنر اننت ناگ نے میڈیا سے گفتگو کرتے ہوئے کہا کہ ’’بلاک دیوس منانے کا مقصد یہی ہے کہ تعمیر و ترقی کے راہ کو جموں و کشمیر میں ہموار کیا جائے۔ ساتھ ہی عوام کو درپیش مسائل کا ازالہ قلیل مدت میں ممکن ہو اور عوامی حلقوں کی جانب سے ابھارے گئے مسائل کو ترجیحی بنیادوں پر حل کیا جا سکے۔‘‘
