جنوبی ضلع اننت ناگ کے آكوره میں چند روز قبل دلدوز واقعہ پیش آیا۔ علاقے میں سسرال والوں کی جانب سے بہو کو مبینہ طور پر تیل چھڑکا گیا۔
اپنی پارٹی کے کئی لیڈران نے متاثرہ خاتون کے گھر جا کر ہمدردی کا اظہار کیا۔ پارٹی کے سینئر لیڈران ہلال احمد شاہ ، عبدالرحیم راتھر، عماد رفیق ، دلشاده و دیگر لیڈران بھی شامل تھے۔
اپنی پارٹی کے رہنماؤں کے مطابق اہل خانہ نے پولیس کی کاروائی اور تحقیقات پر اطمینان کا اظہار کرتے ہوئے ملوث افراد کو سخت سزا دینے کا مطالبہ کیا۔
اس موقع پر لیڈران نے کہا کہ متاثرہ کو انصاف دلانے کی خاطر اپنی پارٹی کے سربراہ سید الطاف بخاری و دیگر لیڈران بھی زمینی سطح پر کوشاں ہیں۔ میڈیا سے بات کرتے ہوئے اپنی پارٹی کے ضلع صدر اننت ناگ عبدالرحیم راتھر نے کہا ان کی پارٹی واقعہ میں ملوث افراد کے خلاف قانونی کارروائی کے ساتھ ساتھ سخت ترین سزا دلانے کا انتظامیہ اپیل کی تاکہ مستقبل میں ایسے درد ناک واقعات رونما نہ ہوں۔
واضح رہے کہ مذکورہ لڑکی شیر کشمیر میڈیکل انسٹی ٹیوٹ صورہ سرینگر میں زیر علاج ہے جہاں اسکی حالت نازک بتائی جاتی ہے۔
