پہلگام:جموں و کشمیر انتظامیہ اور شری امرناتھ جی شرائن بورڈ نے سالانہ امرناتھ یاترا 2022 کے لیے تمام تر انتظامات مکمل کیے ہیں۔وہیں اس بار یاترا کے لیے سیکورٹی کے غیر معمولی انتظامات کیے گئے ہیں۔ ہمالیا کی آغوش میں بابا برفانی کی گپھا میں شیو لنگم کے درشن کے سلسلے میں امرناتھ یاترا دو سال کے وقفے کے بعد اس سال منعقد ہوگی۔Amarnath Yatra 2022 Arrangements
30 جون سے شروع ہونے والی یاترا کے سلسلے میں پہلے ہی تمام تر انتظامات کو حتمی شکل دے دی گئی ہے ،جبکہ چندن واڑی اور بال تل کے راستوں سے امرناتھ گپھا کو جانے والے ٹریک کو آمد و بنایا گیا ہے۔انتظامیہ کے افسران نے پہلے ہی مختلف پڑھاؤں سمیت گپھا تک پیش قدمی کی ہے اور بجلی و مواصلات سمیت تمام دیگر انتظامات کا مکمل جائزہ لیا گیا۔
رواں برس امرناتھ یاترا کے لیے انتظامیہ نے سکیورٹی کے خاصے انتظامات کیے ہیں۔ اس برس کسی بھی یاترا گاڑی کو بنا آر او پی چلنے کی اجازت نہیں ہوگی۔وہیں یاترا کے لیے سی سی ٹی وی اور ڈرون کیمروں کی خدمات کے علاوہ تین درجہ سیکورٹی گارڈ قائم کیا گیا ہے۔امرناتھ یاتریوں کی طبی نگہداشت کے لیے ڈائرکٹوریٹ آف ہیلتھ سروسز کشمیر کی جانب خاص انتظامات کیے گئے ہیں۔چندن واڑی اور بال تل میں ڈی آر ڈی او کے ہائی ٹیک ہسپتال قائم کیے گئے ہیں۔Security Arrangements Amarnath Yatra 2022
یہ بھی پڑھیں:
بتادیں کہ امرناتھ کی گپھا سطح سمندر سے 12,756 فٹ کی بلندی پر واقع ہے اور اس سال 8 لاکھ کے قریب پاتریوں کی آمد متوقع ہے ۔جبکہ امرناتھ یاترا صدیوں سے مذیبی بھائی چارے کی ایک مثال بھی ہے اور اس بار بھی مقامی لوگوں کا یاترا کا بے صبری سے انتظار ہے ۔
امسال وادی کشمیر میں چھ سے آٹھ لاکھ یاتری امرناتھ یاترا کے لیے متوقع ہیں،کیونکہ عالمی وبا کورونا وائرس کی وجہ سے 2020 اور 2021 کے دوران یاترا منعقد نہیں ہو سکی تھی، جب کہ 2019 میں جموں و کشمیر میں 5 اگست 2019 کو دفعہ 370 اور 35 اے کو ختم کرنے سے پہلے کے واقعات کی وجہ سے اس میں خلل پڑا تھا۔43 دنوں تک جاری رہنے والی یہ یاترا مذہبی روایات کے مطابق رکشا بندھن کے روز ختم ہوگی۔
مزید پڑھیں:
