پہلگام: دل کا دورہ پڑنے سے خاتون سیاح کی موت

77 سالہ خاتون سیاح پہلگام میں اچانک بے ہوش ہوگئیں جس کے بعد انہیں فوری طور پر اننت ناگ اسپتال پہنچایا گیا۔

جنوبی کشمیر کے اننت ناگ ضلع کے مشہور سیاحتی مقام پہلگام میں بدھ کو دل کا دورہ پڑنے سے 77 سالہ خاتون سیاح کی موت واقع ہوگئی۔

ذرائع کے مطابق خاتون سیاح پہلگام میں اچانک بے ہوش ہوگئیں جس کے بعد انہیں فوری طور پر گورنمنٹ میڈیکل کالج و اسپتال، اننت ناگ پہنچایا گیا جہاں معالجین نے انہیں مردہ قرار دے دیا۔

فوت ہونے والی خاتون سیاح کی شناخت 77 سالہ رجنی کے طور پر ہوئی ہے۔

معلوم ہوا ہے کہ متوفیہ اپنے خاندان کے دیگر چھ افراد کے ساتھ کشمیر کی سیر پر آئی ہوئی تھی۔