تفصیلات کے مطابق پہلگام ڈیولپمنٹ اتھارٹی کے چیف ایگزیکٹو کی جانب سےتشکیل کردہ ایک ٹیم نے پہلگام میں قریب پچاس کنال جنگلاتی اراضی کو غیر قانونی قبضہ سے آزاد کیا۔
ذرائع کے مطابق چند مقامی افراد نے سرکاری ملازمین کی پشت پناہی سے آڈو پہلگام میں تقریباً پچاس کنال جنگلاتی اراضی پر قبضہ کر کے فینسنگ کی تھی۔
چیف ایگزیکٹو افسر نے اپنے ٹیم کے ہمراہ مذکورہ مقام کا اچانک دورہ کیا اور موقعہ پر ہی اراضی کے ارد گرد کی گئی تار بندی کو ہٹا کر قبضہ سے چھڑا لیا گیا۔
جانچ کے دوران پتہ چلا ہے کہ اس غیر قانونی کام میں محکمہ پی ڈی اے سے وابستہ چار سرکاری ملازمین نے اراضی پر قبضہ کرنے والے افراد کی مدد کی تھی۔
جن کی شناخت ورکس سپر وائزر محمد اسماعیل وانی، روڈ سُپر وائزر بشیر احمد ماگرے، غلام حسن ڈار اور مشتاق احمد خان کے طور پر ہوئی ہے۔
پہلگام ڈیولاپمنٹ اتھارٹی کے سی ای او نے تمام چار افراد کو فوری طور معطل کرنے کا حکم نامہ جاری کیا ہے۔
علاوہ ازیں مذکورہ ملازمین کی مئی کے مہینے کی تنخواہ التواء میں رکھی گئی ہے
