نابالغ لڑکی کے ساتھ جنسی زیادتی کے الزام میں 30 سالہ شخص گرفتار

ضلع اننت ناگ کے براری آنگن علاقہ میں پولیس نے چودہ سالہ نابالغ لڑکی کی جنسی زیادتی کے الزام میں 30 سالہ شخص کو گرفتار کیا ہے۔

اس شخص کی شناخت براری آنگن کے رہنے والے شوکت احمد بٹ کے بطور ہوئی ہے۔

ذرائع کے مطابق شوکت احمد گزشتہ کئی ماہ سے مذکورہ لڑکی کو جنسی زیادتی کا شکار بناتا رہا، تاہم شوکت کے جرم کا پردہ فاش اس وقت ہوا جب لڑکی کے بیمار ہونے کے بعد کیے گئے تشخیص سے اُس کے 7 ماہ سے حاملہ ہونے کی تصدیق ہوئی۔

پولیس نے اس سلسلہ میں (پوکسو) کے تحت معاملہ درج کرکے ملوث شخص کو گرفتار کیا ہے اور مزید تحقیقات شروع کردی گئی ہے۔