فٹبال: نیمار کے خلاف جانچ شروع

برازیل کے اسٹار فٹبالر نے میچ ریفری کے فیصلے کے خلاف سوشل میڈیا پر نازیبا تبصرے کیے تھے۔

یورپی فٹبال ایسوسی ایشن (یوئیفا) نے چیمپیئن لیگ میچ کے بعد پیرس سینٹ جرمین(پی ایس جی) کے اسٹار فٹ بال کھلاڑی نیمار کے خلاف تادیبی کاروائی شروع کر دی ہے۔

واضح رہے کہ چیمپیئن لیگ میں پی ایس جی، مانچسٹر یونائیٹیڈ کے خلاف میچ ہار گئی تھی۔

میچ ریفری نے ویڈیو ریویو کے تحت مانچسٹر یونائیٹیڈ کو پنالٹی دی تھی اور مانچسٹر یونائیٹیڈ کے کھلاڑی مارکس راشفورڈ نے پنالٹی کو گول میں تبدیل کرنے میں کوئی غلطی نہیں کی تھی۔

اس کے بعد پی ایس جی کے کھلاڑی نیمار نے سوشل میڈیا پر ریفری کے فیصلے پر نازیبا تبصرے کیے تھے۔