سال 2019 میں اے ٹی پی ٹور کی نمبر ون ٹرافی سے سرفراز نڈال کو مسلسل دوسرے سال اسپورٹس مین شپ ایوارڈ سے نوازا گیا ہے، وہ کل تیسری بار یہ ایوارڈ پانے والے ٹینس کھلاڑی بھی ہیں۔
نڈال کے روایتی حریف راجر فیڈرر کو ریکارڈ مسلسل 17 ویں سال فینس فیورٹ ایوارڈ کا فاتح منتخب کیا گیا ہے۔
ان کے ساتھ امریکی برادران باب برائن اور مائیک برائن کی جوڑی کو 14 ویں بار فین فیورٹ ایوارڈ دیا گیا ہے۔سابق نمبر ایک برطانیہ کے اینڈی مرے کو سال کا بہترین 'کم بیک پلیئر ایوارڈ دیا گیا ہے، ان کی جنوری میں ہپ سرجری ہوئی تھی۔
مرے نے واپسی کے بعد سے فیور ٹری چمپئن شپ ڈبلز اور اینٹورپ میں یورپی اوپن چمپئن شپ کا خطاب جیت لیا ہے۔
اٹلی کے ماٹيو بیریٹنی اپنے کھیل میں سب سے زیادہ سدھار کر نے والے کھلاڑی کا ایوارڈ ملا۔ انہوں نے اس سال اے ٹی پی فائنلس کیلئے کوالیفائی کیا تھا وہ آٹھویں درجہ بندی پر بھی پہنچے۔
ان کے ہم وطن 18 سال جان ا سنر کو نیکسٹ جین اے ٹی پی فائنلس کا خطاب جیتنے کے لئے سال کے بہترین ابھرتے ہوئے کھلاڑی کا ایوارڈ دیا گیا جنہوں نے دنیا کی 700 ویں رینکنگ سے 78 ویں رینکنگ تک کا سفر بھی طے کیا ہے۔
دانل مدویدیف کی قیادت والی روس کو اے ٹی پی ٹور بیسٹ 59 میچ اور سال 2019 میں نو فائنل تک جتانے والے فرانس کے جائلز سیروارا کو اے ٹی پی کوچ آف دی ایئر کا ایوارڈ دیا گیا ہے۔ ٹونی روچ کو ٹم گليكسن کیریئر کوچ ایوارڈ دیا گیا۔
کیون اینڈرسن کو آرتھر ایش ہیومنیٹیرین ایوارڈ اور آسٹریلیا کے کورٹنی والش کو رون بكمین میڈیا ایکسی لینس ایوارڈ سے نوازا گیا۔
