یو ایس اوپن کے مینس سنگلز کے دوسرے دور میں بھارت کے نوجوان کھلاڑی سمت ناگل کو آسٹریلیا کے ڈومینیک تھیم نے شکست دے دی۔
جمعرات کو ہوئے دوسرے دور کے میچ میں آسٹریلیائی کھلاڑی تھیم نے ناگل کو 3-6، 3-6، 2-6 کے ساتھ شکست دے کر اپنی 27 ویں یوم پیدائش منائی۔
برتھ ڈے بوائے ڈومینک نے ناگل کو شکست دے کر تیسرے دور میں جگہ بنالی ہے۔
واضح رہے کہ سمت ناگل نے پہلے سیٹ میں تھیم کو چیلنج کیا لیکن ناگل تھیم کے تجربے کے سامنے ٹک نہیں سکے۔میچ جیتنے کے بعد ڈومینیک نے کہا کہ یوم پیدائش والے دن میچ جیتنے ست بہتر میرے لیے کچھ نہیں ہوسکتا ۔
منگل کو بھارت کے نوجوان کھلاڑی سمت ناگل نے شاندار جیت درج کی تھی اور اپنے کیرئیر میں پہلی مرتبہ کسی گرینڈ سلم کے دوسرے دور میں جگہ بنائی تھی، اسی کے ساتھ سمت ناگل سات سال بعد کسی بھی گرینڈ سلم میں سنگلس میچ جیتنے والے پہلے بھارتی بنے۔
یو ایس اوپن کے پہلے دور میں سمت نے امریکہ کے بریڈلی کلین کو شکست دی تھی۔ سمت نے اپنے مدمقابل بریڈلی سے پہلے دور کا مقابلہ 1-6، 3-6، 6-3،1-6 سے جیتا تھا۔انہوں نے شروعاتی دونوں سیٹ اپنے نام کیے، لیکن تیسرے سیٹ میں بریڈلی نے 3-6 سے واپسی کی، پھر چوتھے سیٹ میں سمت نے کوئی غلطی نہیں کی اور 1-6 سے سیٹ جیت کر اگلے دور میں جگہ بنائی تھی۔
