ندال بنے اٹالیئن اوپن چیمپیئن

عالمی درجہ بندی میں دوسرے مقام پر رہے سپین کے سٹار کھلاڑی رافیل ندال نے سربیا کے نواک جوکووچ کو شکست دے کر نویں مرتبہ اٹالیئن اوپن خطاب اپنے نام کیا۔

تقریباً ڈھائی گھنٹے تک چلنے والے فائنل میچ میں رافیل ندال اٹالیئن نے اوپن خطاب کا دفاع کرنے میں کامیابی حاصل کی ہے۔

ندال نے جوکووچ کو 6-0, 4-6, 6-1 سے شکست دی، اور اس جیت کے ساتھ ہی رواں برس آسٹریلیئن اوپن میں جوکووچ کے ہاتھوں ملی شکست کا بدلہ لے لیا۔

اسپین کے اسٹار کھلاڑی رافیل ندال

خیال رہے کہ یہ خطاب ندال کے کریئر کا 81 واں خطاب ہے۔واضح رہے کہ رافیل ندال اور نوواک جوکووچ کے مابین اب تک 54 مقابلے ہوچکے ہیں جس میں جوکووچ نے 28 اور ندال نے 26 میچ میں جیت درج کی ہے۔

ندال اب 26 مئی سے شروع ہونے والے فرینچ اوپن میں کھیلیں گے جہاں ان کی نظر اپنے 12 ویں خطاب پر ہوگی۔