بھارت کی مشہور ومعروف ٹینس کھلاڑی ثانیہ مرزا نے پیر کو ڈبلیو ٹی اے سرکٹ میں فاتحانہ انداز میں واپسی کی۔ انہوں نے یہاں سلووینین کی پارٹنر آندریا کلیپک کے ساتھ قطر ٹوٹل اوپن کے کوارٹر فائنل میں داخلہ لیا۔
انڈو سلووینیا کی جوڑی نے ڈبلیو ٹی اے 500 ٹورنامنٹ کے افتتاحی مرحلے میں یوکرین کی نادیہ کچوونک اور لیوڈمیلا کچوونک کے خلاف 4۔6 ، 6۔7 (5) ، 5۔10 سے کامیابی حاصل کی۔
آخری 12 مہینوں میں ثانیہ کا یہ پہلا میچ تھا اور اتفاقی طور پر یہ میچ بھی دوحہ اوپن میں تھا، جہاں انہوں نے آخری بار فروری 2020 میں اپنا آخری میچ کھیلا تھا جب کووڈ - 19 کی وجہ سے دنیا بھر میں ٹینس مقابلوں کو روک دیا گیا تھا۔
واضح رہے کہ اس سال کے شروع میں خود ثانیہ کورونا وائرس سے متاثر ہوگئی تھیں۔ جب ثانیہ ایک طویل وقفہ کے بعد مسابقتی ٹینس میں واپس آئی تو اس نے نادیہ کے ساتھ مل کر اچھے کھیل کا مظاہرہ کیا۔
