نوواک جوکووچ گردن میں درد اور ایک سیٹ میں پچھڑنے کے بعد شاندار واپسی کرتے ہوئے جیت درج کی۔ 17 بار کے گرینڈ سلیم فاتح جوکووچ گردن کے درد میں مبتلا تھے اور دوسرے سیٹ کے دوران انہیں فیزیو کی مدد لینا پڑی۔
انہوں نے میچ میں 14 ایس لگائے اور رواں سال ان کا ناقابل شکست سلسلہ ریکارڈ 22-0 تک پہنچ گیا۔
اب جوکووچ کا مقابلہ فائنل میں راونک سے ہوگا جنہوں نے سیمی فائنل میں عالمی نمبر چھ اسٹیفانوس سیسپاس کو 7-6 (5) ، 6-3 سے شکست دی۔
اس کے علاوہ راونک نے میچ میں 12 ایس لگائے اور اپنے 22 ویں فائنل میں داخل ہوئے۔
جوکووچ اس سے قبل 10 بار کینیڈا کے کھلاڑی سے کھیل چکے ہیں اور وہ تمام میچ جیتے ہیں۔
انہوں نے نامہ نگاروں سے کہا کہ میں حالیہ برسوں میں یقینی طور پر بہت عمدہ کارکردگی کا مظاہرہ کر رہا ہوں۔ میں اپنے انداز میں اچھا کھیل سکتا ہوں۔
