نوواک جوکووچ کے عالمی درجہ بندی میں 11740 پوائنٹس ہیں اور انہیں فرنچ اوپن کے فائنل میں پہنچنے کا فائدہ 480 پوائنٹس کے اضافے کی شکل میں ہوا۔ اس سال جوکووچ کی یہ دوسری شکست تھی اور ان کا 18 واں گرینڈ سلیم جیتنے کا خواب نڈال سے ٹکراکر ٹوٹ گیا۔
رولن گیرو کے کلے کورٹ پر اپنی 100 ویں جیت کے ساتھ 13 واں ٹائٹل جیتنے والے رافیل ندال نے سوئٹزر لینڈ کے راجر فیڈرر کے 20 گرینڈ سلیم ٹائٹل کا عالمی ریکارڈ کی برابری کر لی اور درجہ بندی میں دوسرے مقام پر پہنچ گئے ہیں۔
دفاعی چیمپیئن ہونے کی وجہ سے ندال کو اس بار ٹائٹل بچانے کے باوجود کوئی پوائنٹس نہیں ملا۔ جوکووچ اور ندال کے درمیان فاصلہ اب 1890 تک جا پہنچا ہے۔
آسٹریا کے ڈومینک تھیام تیسرے اور ٹورنامنٹ سے باہر رہنے والے راجر فیڈرر چوتھے نمبر پر ہیں۔
سیمی فائنل میں جوکووچ سے ہارنے والے یونان کے اسٹیفانوس ستسپاس ایک مقام کے فائدے کے ساتھ پانچویں نمبر پر پہنچ گئے جبکہ سیمی فائنل میں ندال سے شکست کھانے والے ارجنٹینا کے ڈیاگو شوارٹزمین ٹاپ 10 میں داخل ہوگئے۔ شوارٹزمین چھ مقام کی چھلانگ لگا کر آٹھواں نمبر پر آگئے۔
