سندھو نے جمعہ کو یہاں گورنر وشوبھوشن هریچندن اور وزیر اعلی ریڈی سے ملاقات کی۔ گورنر نے انہیں عالمی چمپئن شپ میں طلائی تمغہ جیتنے پر مبارک باد دی۔
سندھو نے اپنے والدین کے ساتھ سیکرٹریٹ میں وزیر اعلی سے ملاقات کی۔ ریڈی نے سندھو کو ان کی فتح کے لئے مبارک باد دی اور ان کا خیر مقدم کیا۔ سندھو نے اس موقع پر وزیر اعلی کا شکریہ ادا کرتے ہوئے اپنا طلائی تمغہ دکھایا۔
سندھو نے صحافیوں کو بتایا کہ وزیر اعلی نے وشاکھاپٹنم میں بالخصوص لڑکیوں کے لئے بیڈمنٹن اکیڈمی کھولنے کے لئے انہیں پانچ ایکڑ زمین دینے کی یقین دہانی کرائی ہے۔
پدم بھوشن کے لئے ان کے نام کی سفارش کئے جانے کو لے کر سندھو نے کہاکہ مجھے اس بارے میں اطلاع ملی ہے کہ میرے نام کی سفارش پدم بھوشن ایوارڈ کے لیے کی گئی ہے لیکن مجھے سرکاری طور پر اس کی تصدیق نہیں کی گئی ہے۔
