کورونا وائرس کی وجہ سے مختلف کھیلوں کے ٹورنامنٹ ملتوی یا منسوخ ہونے کے درمیان مرکزی وزیر کھیل كرن ریجیجو نے پیر کو کہا کہ کھلاڑی اپنا حوصلہ برقرار رکھیں اور مسلسل مشق کرتے رہیں۔
عالمی وبا بن چکے کورونا وائرس کی وجہ سے دنیا بھر کے ٹورنامنٹ یا تو ملتوی کئے گئے ہیں یا انہیں منسوخ کرنا پڑا ہے۔
اس کا اثر تقریبا ہر کھیل پر پڑا ہے اور اسی سال 24 جولائی سے ہونے والے ٹوکیو اولمپکس کے انعقاد پر بھی بحران کے بادل چھا گئے ہیں۔
ریجیجو نے ٹویٹ کر کے کہاکہ کورونا وائرس کی وجہ سے بہت سے کھیل کے ٹورنامنٹ فی الحال کے لئے ملتوی کئے گئے ہیں-
لیکن میں اپنے تمام کھلاڑیوں سے اپیل کرتا ہوں کہ وہ اپنے جذبے کو برقرار رکھیں اور پریکٹس پر توجہ مرکوز رکھیں۔
دوسری طرف وزیرکھیل کرن ریجیجو نے مشہور فٹبال کمینٹیٹر نووی کپاڈیا کوعلاج کے لئے مالی امدا کرنے کا اعلان کیا ۔
کھیل وزیر نے مشہور فٹبال کمینٹیٹر نووی کپاڈیا کو علاج کے لئے چار لاکھ روپے دینے کا اعلان کیا۔
انہوں نے کہاکہ وہ کامیاب فٹبال کمینٹیٹر رہے ہیں۔ انہوں نے اپنی ساری زندگی فٹبال کو وقف کردیا۔ انہوں نے کھیل کے لئے جو کچھ بھی کیا ہے اس کے لئے انہیں کچھ واپس دینے کی کوشش کی جا رہی ہے۔
