اولمپک ملتوی ہونے سے اربوں ڈالرز کے نقصان کا امکان

کورونا وائرس کے سبب ٹوکیو اولمپک 2020 کو اگلے برس تک کے لیے ملتوی کئے جانے سے منتظمین نے 1.9 ارب ڈالر کے نقصان کا امکان ظاہر کیا ہے۔

انٹرنیشنل اولمپک کمیٹی (آئی او سی) اور جاپان حکومت نے کورونا وبا کے پیش نظر رواں برس جولائی تا اگست ہونے والے ٹوکیو اولمپک کو اگلے برس تک کے لیے ملتوی کرنے کا فیصلہ کیا ہے۔

تفصیلات کے مطابق اولمپک ملتوی ہونے سے پہلے ان کھیلوں کے اخراجات 13 ارب ڈالر کے تھے۔ منتظمین کمیٹی دسمبر میں ٹوکیو میٹرو پولیٹن حکومت اور مرکزی حکومت سے تبادلہ خیال کے بعد نقصان کے سلسلے میں مکمل اعداد و شمار پیش کرے گی۔