بہار اسٹیٹ کبڈی ایسوسی ایشن Bihar State Kabaddi Association اور دربھنگہ ضلع کبڈی ایسوسی ایشن کی جانب سے مشترکہ طور پر زونل سب جونیئر بوائز، گرلز کبڈی مقابلہ 2021 Kabaddi Competition بروز اتوار 28 نومبر کو دربھنگہ کے نہرو اسٹیڈیم میں منعقد کیا گیا۔
اس ٹورنامنٹ میں موتیہاری، بیتیا، سیتامڑھی، شیوہر، مدھوبنی اور دربھنگہ ضلع کی گرلز اور بوائز ٹیم نے حصہ لیا۔
ٹورنامنٹ کا فائنل میچ دربھنگہ اور سیتامڈھی کی ٹیم کے درمیان کھیلا گیا جس میں دونوں ٹیموں نے مقررہ وقت میں 47 47 پوائنٹ حاصل کئے جس کے بعد ٹاس کے ذریعے دربھنگہ کی ٹیم کو فاتح قرار دیا گیا۔
وہیں سیتامڈھی کی ٹیم رنر اپ رہی، جبکہ لڑکیوں کے زمرے میں سیتامڑھی کی ٹیم نے دربھنگہ کی ٹیم کو شکست دے کر فاتح حاصل کیا۔ بہترین کارکردگی کے لیے سیتامڑھی بوائز ٹیم کے کھلاڑی پریم کمار کو دیا گیا، وہیں بہترین کیچر کا خطاب سنی کمار دربھنگہ کو دیا گیا۔
مزید پڑھیں:
لڑکیوں کے زمرے میں بہترین ریڈر کا خطاب سندر کماری سیتامڑھی اور بہترین کیچر کا خطاب دربھنگہ کی کھلاڑی ورسا کماری کو دیا گیا۔
