چیئرمین ایم وینکیا نائیڈو نے ایوان کو بتایا کہ ملک کی معروف باکسر میری کوم نے پریسیڈنٹ کپ میں طلائی تمغہ جیت کر ہندوستان کا نام روشن کیا ہے۔
انہوں نے کہا کہ وہ اپنے اور ایوان کی جانب سے انہیں دل سے مبارک باد دیتے ہیں۔ چھ بارکی عالمی چمپئن اور لندن اولمپک کی کانسے کا تمغہ فاتح میری کوم اب ایوان بالا کی رکن بھی ہیں۔ چیئرمین نے کہا کہ ایوان کی خواہش ہے کہ وہ مستقبل میں بھی کامیابی حاصل کرکے ملک کا نام روشن کریں۔
دو ماہ قبل انڈیا اوپن میں طلائی تمغہ جیتنے والی 36 سالہ میری کوم نے فائنل میں آسٹریلیا کی فرینکس ایپرل کو 5-0 سے شکست دے کر طلائی تمغہ جیتا۔
میری کوم نے اولمپک كواليفکیشن کے لئے اپنے مواقع بڑھانے کی منصوبہ بندی کے تحت مئی میں تھائی لینڈ میں منعقد ایشیائی چمپئن شپ میں حصہ نہیں لیا تھا۔ میری کوم نے عالمی چمپئن شپ کی تیاری کے لئے پریسیڈنٹ کپ میں حصہ لیا تھا جو سات سے 21 ستمبر تک کھیلی جائے گی۔
