آسٹریا کی اپرل فرینکس کو 5-0 سے شکست دے کر میری کام نے بڑی جیت حاصل کی۔ اس سے قبل میری نے مئی میں ہوئے انڈیا اوپن میں بھی سونے کا تمغہ حاصل کیا تھا۔
اطلاعات کے مطابق میری کام نے خود کو ثابت کرنے کے لیے اس ٹورنامنٹ میں حصہ لیا تھا، تاکہ وہ عالمی چمپیئن شپ سے قبل کچھ باؤٹ کھیل سکیں۔ میری کام نے گزشتہ برس دہلی میں چھٹا خطاب جیتا تھا۔
خیال رہے کہ روس میں 7 ستمبر سے 21 ستمبر تک ومنز ورلڈ باکسنگ چمپیئن شپ کا انعقاد ہوگا۔ اس کے ساتھ ہی میری کام کی نظر 2020 ٹوکیو اولمپک پر بھی ہوگی۔ وہ اس کے لیے کوالی فائی ہونا چاہیں گی۔ ایشیئن گیمز میں میری کے نام گولڈ اور برانز میڈل ہے۔