جے پور:ریاست راجستھان کے گلابی شہر جے پور میں پریمیئر ہینڈ بال لیگ کا پہلا ایڈیشن 8 سے 25 جون تک کھیلا جائے گا۔ٹورنامنٹ کو لے کر تمام تر تیاریاں مکمل کرلی گئی ہے۔کھلاڑیوں میں بھی اس ٹورنامنٹ کو لے کر جوش خروش پایا جا رہا ہے۔
سوائی مان سنگھ انڈور اسٹیڈیم میں منعقد ہونے والی لیگ کے پہلے ایڈیشن میں چھ ٹیمیں راجستھان پیٹریاٹس، گاروت گجرات، مہاراشٹر آئرن مین، گولڈن ایگلز اتر پردیش، تیلگو ٹیلنز اور دہلی پینزر حصہ لیں گی۔ اسٹیڈیم نے 2014 سے کئی پرو کبڈی لیگ (PKL) میچوں کی میزبانی کی ہے۔
پدم شری اور راجستھان ریاستی اسپورٹس کونسل کے صدر،ڈاکٹر کرشنا پونیا، نے کہا کہ "مجھے خوشی ہے کہ پریمیئر ہینڈ بال لیگ (PHL) کا پہلا سیزن جے پور کے جدید اور منفرد سوائی مان سنگھ انڈور اسٹیڈیم میں منعقد ہوگا۔ ہم ریاست میں کھیلوں کا ایک عظیم الشان ایونٹ منعقد کرنے کے لیے پرعزم تھے اور یہ ایسا کرنے کا بہترین موقع ہے۔ ہمیں یقین ہے کہ پریمیئر ہینڈ بال لیگ ہمارے ساتھ شامل ہونے والے ہینڈ بال کھلاڑیوں کو اپنی صلاحیتوں کا مظاہرہ کرنے اور آخر کار مقابلہ کرنے کے لیے صحیح پلیٹ فارم فراہم کرے گی۔ ایک کھیل کے طور پر ہینڈ بال کی حیثیت کو بلند کرنے میں مدد ملے گی۔
یہ بھی پڑھیں:World Boxing Championship عالمی باکسنگ چیمپئن شپ میں بھارتی باکسرز کی نظریں طلائی تمغے پر
پریمیئر ہینڈ بال لیگ کا پہلا سیزن Viacom18 پر نشر کیا جائے گا۔ یہ جے پور کے سوائی مان سنگھ اسٹیڈیم سے JioCinema، Sports 18-1 (HD&SD) اور Sports 18 کھیلوں کی لائیو کوریج فراہم کرے گا۔
