بھونیشور:اڈیشہ کے وزیر اعلی نوین پٹنائک 5 دسمبر کو بھونیشور میں ہاکی انڈیا کے صدر ڈاکٹر دلیپ ٹرکی کو ٹرافی سونپ کر اس دورے کا آغاز کریں گے، جس کے بعد یہ ملک کی 12 ریاستوں اور ایک مرکز کے زیر انتظام علاقوں سے گزر کر واپس بھونیشور واپس آئے گی۔Hockey India Announces Trophy Tour One Month Before World Cup
ٹرافی اپنے 21 روزہ دورے کے دوران مغربی بنگال، منی پور، آسام، جھارکھنڈ، اتر پردیش، پنجاب، ہریانہ، نئی دہلی، مدھیہ پردیش، مہاراشٹر، تامل ناڈو، کیرالہ اور کرناٹک سے ہوتی ہوئی 25 دسمبر کو اڈیشہ پہنچے گی، جس کے بعد اسے پوری ریاست کا دورہ کرایا جائے گا۔
یہاں نامہ نگاروں سے خطاب کرتے ہوئے ٹرکی نے کہاکہ اس اقدام کے پیچھے خیال یہ ہے کہ پورے ملک میں ہاکی کے شائقین کو اس مشہور ٹرافی کی جھلک دیکھنے کا موقع فراہم کیا جائے۔
یہ بھی پڑھیں:Tokyo Olympics: بھارتی خواتین ہاکی ٹیم تمغہ سے محروم
انہوں نے مزید کہاکہ ہندوستانی شائقین ہاکی کے بارے میں ہمیشہ سے پرجوش رہے ہیں اور وہ آئندہ ٹورنامنٹ میں اپنی ہوم ٹیم کے لیے میدان میں اترنے کے منتظر ہوں گے۔ ہمیں یقین ہے کہ اس دورہ سے شائقین کو کھیل سے جڑے رہنے اور ہندوستانی ٹیم کو اپنی مہم کے آغاز سے پہلے اپنی نیک خواہشات بھیجنے کا موقع ملے گا۔ ورلڈ کپ اگلے سال 13 جنوری سے شروع ہوگا۔ میزبان ہندوستان، جسے اسپین، انگلینڈ اور ویلز کے ساتھ پول ڈی میں رکھا گیا ہے، پہلے دن اسپین کے خلاف اپنی مہم کا آغاز کرے گا۔
ٹورنامنٹ میں آسٹریلیا، بیلجیئم ان چار ٹیموں کے علاوہ نیدرلینڈز، ارجنٹائن، جرمنی، نیوزی لینڈ، فرانس، کوریا، ملائیشیا، جنوبی افریقہ، جاپان اور چلی کی ٹیمیں شرکت حصہ لیں گی۔Hockey India Announces Trophy Tour One Month Before World Cup
