نئی دہلی: جب دہلی کیپٹلز کی ٹیم منگل کو انڈین پریمیئر لیگ میں اپنے ہوم گراؤنڈ پر دفاعی چیمپئن گجرات ٹائٹنز سے مقابلہ کرے گی تو وہ اپنے گیند بازوں سے بہتر کارکردگی کی توقع کرے گی۔ دوسری جانب افتتاحی میچ میں چنئی سپر کنگز کو شکست دینے کے بعد گجرات کے حوصلے بلند ہیں۔ کین ولیمسن کے گھٹنے کی سنگین انجری کی وجہ سے ٹورنامنٹ سے باہر ہونے کے باوجود گجرات ٹائٹنز کاغذ پر مضبوط ہیں۔
گجر ٹائٹنز نے آئی پی ایل 2022 میں ہی ڈیبیو کیا۔ گجرات ٹائٹنز اپنے پہلے آئی پی ایل سیزن میں ہی چیمپئن بن گئی تھی اور دہلی کیپٹلس اس سیزن میں پلے آف میں جگہ نہیں بنا سکی تھی۔ آئی پی ایل 2022 میں دہلی کیپٹلز اور گجرات ٹائٹنز کے درمیان میچ کھیلا گیا اور اس میچ میں ہاردک پانڈیا کی کپتانی میں گجرات ٹائٹنز نے کامیابی حاصل کی۔
دہلی کیپٹلس کو سیزن کے افتتاحی میچ میں لکھنؤ سپر جائنٹس نے 50 رنز سے شکست دی تھی۔ اس میچ میں ٹیم کو سب سے زیادہ مایوسی ہندوستانی تیز گیند بازوں نے کی اور اینرچ نورکیا کی غیر موجودگی میں یہ گیند باز لکھنؤ کے بلے بازوں کو پریشان کرنے میں ناکام رہے۔ چیتن سکاریا اور مکیش کمار درست لائن لینتھ گیند کرنے کے لیے جانے جاتے ہیں لیکن لکھنؤ کے خلاف بین الاقوامی کھلاڑیوں کو پریشان کرنے کے لیے درکار رفتار اور ورائٹی کے لحاظ سے دونوں کافی غیر موثر تھے۔ ایسے میں شبمن گل اور ہاردک پانڈیا جو شاندار تال میں چل رہے ہیں، ان کے خلاف رنز بنانے میں کوئی پریشانی نہیں ہوگی۔
ارون جیٹلی اسٹیڈیم کی پچ کو باؤلر دوستانہ سمجھا جاتا ہے۔ یہاں اسپنرز کو اسپن اور تیز گیند بازوں کو اچھا باؤنس ملتا ہے۔ اس پچ پر رنز کا پیچھا کرنا آسان سمجھا جاتا ہے، اس لیے ٹاس جیتنے کے بعد کپتان پہلے بولنگ کرنے کا فیصلہ کرتا ہے۔ اس پچ پر 13 بین الاقوامی میچز کھیلے گئے جس میں 9 بار تعاقب کرنے والی ٹیم نے کامیابی حاصل کی جبکہ دفاعی ٹیم نے 4 مرتبہ کامیابی حاصل کی۔
