الریان (قطر): کوسٹاریکا نے اپنے پہلے میچ میں اسپین کے ہاتھوں 7-0 کی عبرتناک شکست کا سامنا کرنے کے بعد اتوار کے روز فیفا ورلڈ کپ 2022 کے گروپ- ای کے میچ میں جاپان کو 1-0 سے شکست دے کر پھر سے واپسی کی ہے۔ احمد بن علی اسٹیڈیم میں کھیلے گئے میچ میں کوسٹاریکا کی جانب سے کیشر فلر (81ویں منٹ) نے گول کیا۔ جرمنی کو 2-1 سے شکست دے کر ایک بڑا لٹ پھیر کرنے والے جاپان نے یہاں بھی مضبوط کارکردگی کا مظاہرہ کیا، لیکن فلر کا آخری لمحات میں کیا گیا گول فیصلہ کن ثابت ہوا۔Japan vs Costa Rica
میچ کے ابتدائی 80 منٹ میں دونوں ٹیموں کی جانب سے کئی ناکام کوششیں کی گئیں۔ آفیشل ٹائم میں صرف نو منٹ باقی تھے، جب فلر نے جاپان کے باکس کے قریب یولسٹن تیجیڈا سے پاس لیا اور گول کی طرف شاٹ لگائی، اور گیند گول کیپر شوچی گونڈا سے گزر کر جال میں چلی گئی۔ کوسٹاریکا گروپ- ای کے دو میچوں میں تین پوائنٹس کے ساتھ تیسرے نمبر پر ہے جبکہ جاپان اتنے ہی پوائنٹس کے ساتھ گول شمار کی بنیاد پر دوسرے نمبر پر ہے۔
یہ بھی پڑھیں: FIFA World Cup ارجنٹینا کی سُپر 16 ریس میں واپسی
یو این آئی
