عالمی اتھیلیٹ چیمپیئن شپ میں شرکت کرنے کے لیے اتھیلیٹ قوائد کے تحت یورپ میں 2 دوڑ میں حصہ لینے کے لیے دوتی چند کو ویزا جاری کر دیا گیا۔
دوتی چند نے وزیر خارجہ ایس جئے شنکر سے درخواست کی تھی کہ وہ یورپ کا ویزا دلوانے میں ان کی مدد کریں تا کہ وہ یورپ میں ہونے والے مقابلوں میں حصہ لے سکیں۔
اس تعلق سے دوتی چند نے ٹویٹر پر لکھا کہ 'میں ان سبھی افراد کا شکریہ ادا کرتی ہوں جنہوں نے یورپ کا ویزا دلوانے میں میری مدد کی، میں ایس جئے شنکر اور کرن رجیجو کا شکریہ ادا کرتی ہوں جنہوں نے میری مدد کی اور ساتھ ہی ساتھ نوین پٹنائیک کی بھی شکر گزار ہوں'۔
واضح رہے کہ دوتی چند نے ماہ جولائی میں متعدد مقابلوں میں محض ایک ماہ کے دوران چھ طلائی تمغے جیت کر ملک کا نام رشن کیا تھا۔
