دبنگ دہلی نے پچھلے دو میچوں میں تیلگو ٹائٹنس کو 33-34 سے اور تمل تھلائیواز کو 29-30 سے شکست دی ہے اور اب اس کے سامنے ہریانہ اسٹيلرز کا چیلنج ہے، جس کے خلاف اس کا ریکارڈ توقع کے مطابق نہیں ہے۔
پرو کبڈی لیگ کی تاریخ میں ہریانہ اسٹيلرز اور دبنگ دہلی اب تک چھ بار ایک دوسرے کے خلاف کھیل چکی ہیں، جس سے پانچ مرتبہ ہریانہ نے جبکہ دہلی نے ایک ہی مرتبہ جیت درج کی ہے۔
حالاںکہ یہ تمام مقابلے کافی ٹکر کے ہوئے تھے۔
لیگ کے پہلے میچ میں 14 اور دوسرے میچ میں 8 پوائنٹس حاصل کرنے والے دبنگ دہلی کے نوجوان کھلاڑی نوین کمار نے کہا کہ ریکارڈ ٹوٹنے کے لیے ہی بنتے ہیں اور ان کی ٹیم اس میں بہتری کرنا چاہے گی۔
