الوکرہ: سنہ 2018 ورلڈ کپ کی رنر اپ کروشیا نے فیفا ورلڈ کپ سپر- 16 کے سنسنی خیز مقابلے میں جاپان کو پنالٹی شوٹ آؤٹ میں 3-1 (1-1) سے شکست دے کر فیفا ورلڈ کپ 2022 کے کوارٹر فائنل میں جگہ بنا لیا۔ الجنوب اسٹیڈیم میں کھیلے گئے میچ میں کروشیا کی جانب سے پہلا گول ایوان پیرسک (55ویں منٹ) نے کیا جب کہ پنالٹی شوٹ آؤٹ میں نکولا ولاسک، مارسیلو بروزووچ اور ماریو پاسالک نے گول کیے۔ جاپان کی جانب سے پہلا گول ڈائیزن مائیڈا (43 ویں منٹ) نے کیا جبکہ شوٹ آؤٹ میں ان کی جانب سے صرف تاکوما اسانو گول کر سکے۔ Croatia Beat Japan in penalty shootout
مائیڈا نے جاپان کو ابتدائی برتری دلائی ، لیکن پیرسک کے ایک گول سے میچ برابر ہوگیا۔ جاپان نے جارحانہ کھیل جاری رکھا تاہم مقررہ وقت اور 30 منٹ کے اضافی وقت میں کوئی گول نہ ہونے کے بعد میچ شوٹ آؤٹ میں چلا گیا جہاں کروشیا کا تجربہ ان کے لیے فائدہ مند ثابت ہوا۔ پنالٹی شوٹ آؤٹ میں کروشیا کے تین کھلاڑی گول کرنے میں کامیاب رہے، اور ان کے گول کیپر ڈومینک لیوکوک نے تین گول روک کر اپنی ٹیم کی جیت کو یقینی بنایا۔ بتا دیں کہ کروشیا کا کوارٹر فائنل مقابلہ 9 دسمبر کو برازیل سے ہوگا۔
یہ بھی پڑھیں: Fifa World Cup 2022 انگلینڈ نے سینیگال کو ہرا دیا، کوارٹر فائنل میں فرانس سے مقابلہ
یو این آئی
