مرکزی وزیر کھیل كرن ریجیجو نے کورونا وائرس کے متاثرین کی مدد کرنے کے لئے ہفتہ کو اپنے ایم پی ایل اے ڈی ایس فنڈ سے ایک کروڑ روپے دینے کا اعلان کیا۔
کورونا کے خلاف جنگ کے لئے کھیل، بالی وڈ، صنعت اور سیاسی دنیا کی کئی شخصیات نے مدد کے ہاتھ آگے بڑھائے ہیں اور وزیراعظم اور وزیراعلی راحت فنڈ میں مدد دی ہے۔
ریجیجو نے ٹویٹ کرکے کہاکہ وزیراعظم نریندر مودی نے یہ اعلان کیا ہے کہ اس وبا کو دیکھتے ہوئے بی جے پی کے تمام رہنما اپنے ایم پی فنڈ سے ایک کروڑوزیر اعظم قومی امدادی فنڈ میں دیں ۔
انہو نے ٹوئیٹ کرتے ہوئے لکھا ہے کہ ملک کو مصیبت کی گھڑی سے نجات دلانے کے لئے ہم سب کو آگے آنے کی ضرورت ہے۔ ہمیں اپنی ذمہ داری کا احساس ہے۔ لوگوں کو بھی ہونا چا ہئے۔
انہوں نے کہاکہ آج ہم ملک کے لئے آگے آئیں گے کل ہمارا ملک اس وباء سے نجات پانے میں کامیا ب ہو گا۔
