مغربی بنگال کے ندیا ضلع کے کلیانی میں واقع کلیانی میونسپل اسٹیڈیم میں آئی لیگ کے ایک اہم میچ میں میزبان محمڈن اسپورٹنگ اور چرچل برادرس کی ٹیمیں آمنے سامنے ہوئیں۔ مہمان ٹیم چرچل برادرس نے جارحانہ انداز میں کھیل کا مظاہرہ کرتے ہوئے میزبان ٹیم محمڈن اسپورٹنگ پر دباؤ بنانے میں کامیاب رہی۔ Churchill Brothers beats Mohammedan Sporting in I-League 2022
کھیل کے تیسرے منٹ پر ہی کرسٹوفر ایکوچیوا نے گول کرکے چرچل برادرس Churchill Brothers کو محمڈن اسپورٹنگ پر ایک صفر کی سبقت دلانے میں اہم کردار ادا کیا۔
پہلے ہاف کے اختتام تک محمڈن اسپورٹنگ اسکور برابر کرنے کی ہر ممکن کوشش کی مگر ناکام رہی. پہلے ہاف میں میچ کا اسکور 0-1 رہا۔
دوسرے ہاف میں محمڈن اسپورٹنگ نے شاندار کھیل کا مظاہرہ کیا اور غیر ملکی فٹبالر مارکوس جوزف کے 57 ویں منٹ پر کئے گئے گول کی بدولت ایک ایک گول کی برابری کرلی۔
مگر پانچ منٹ بعد 63 ویں منٹ پر کرسٹوفر ایکوچیوا نے ایک گول کرکے چرچل برادرس کو ایک بار پھر 1-2 گول کی سبقت دلائی۔ کھیل کے اختتام تک محمڈن اسپورٹنگ اسکور برابر کرنے کی ہر ممکن کوشش کی مگر رواں ٹورنامنٹ میں اپنی پہلی شکست ٹالنے میں ناکام رہی۔ گوا کی ٹیم چرچل برادرس کی رواں لیگ میں یہ دوسری جیت ہے، سات پوائنٹ کی بدولت لیگ ٹیبل میں چھٹی پوزیشن پر پہنچ گئی ہے۔
یہ بھی پڑھیں: آئی لیگ 22-2021: Muhammadan Sporting's Fourth Consecutive Win محمڈن اسپورٹنگ کی مسلسل چوتھی جیت
آئی لیگ 22-2021 سیزن کے اس راؤنڈ کے بعد محمڈن اسپورٹنگ پانچ میچوں میں چار جیت اور ایک ہار کے ساتھ 12 پوائنٹ کی بدولت پہلی پوزیشن پر قابض ہے۔ گوکلم کیرالہ ایف اور راؤنڈ گلاس پنجاب 10-10 پوائنٹ ،نیروکا ایف سی آٹھ اور سرینیڈی دکن ایف سی سات پوائنٹ کے ساتھ بالترتیب دوسری، تیسری، چوتھی اور پانچویں پوزیشن پر ہے۔ رئیل کشمیر ایف سی پانچ میچوں میں ایک جیت، تین ڈرا اور ایک ہار کی بدولت چھ پوائنٹس کے ساتھ ٹاپ پانچ ٹیموں کی فہرست سے باہر ہے۔
