سپریم کورٹ نے بدھ کو مرکزی حکومت سے کہا کہ وہ یہاں وقت پر ’انڈر 17 خواتین فٹ بال ورلڈ کپ-2022‘ کے انعقاد میں درپیش رکاوٹوں کو دور کرنے کے لیے اقدامات کرے،جسٹس ڈی وائی چندرچوڑ کی سربراہی والی بنچ نے مرکزی حکومت سے ایسی کوششیں یقینی بنانے کی اپیل کی کہ فیڈریشن آف انٹرنیشنل فٹبال ایسوسی ایشن (فیفا) کے ذریعہ آل انڈیا فٹبال فیڈریشن کی معطلی ہٹالی جائے اور پہلے سے طے شدہ پروگرام کے مطابق یہاں انڈر 17 خواتین کا فٹ بال ورلڈ کپ منعقد کیا جاسکے۔
SC asks Centre to take pro-active role in facilitating holding of U-17 Women's World Cup
سالیسٹر جنرل تشار مہتا نے حکومت کی طرف سے بنچ کو آگاہ کیا کہ متعلقہ فریقوں سے بات کر کے ایونٹ میں حائل رکاوٹوں کو دور کرنے کی کوشش کی جا رہی ہے۔
مزید پڑھیں:FIFA Suspends AIFF فیفا نے آل انڈیا فٹ بال فیڈریشن کو کیا معطل
ہندوستان کو انڈر 17 خواتین کے فٹ بال ورلڈ کپ کی میزبانی کا موقع ملا تھا، لیکن فیفا نے ’’نامناسب‘‘ تیسرے فریق کی مداخلت کا حوالہ دیتے ہوئے آل انڈیا فٹ بال فیڈریشن کو ایونٹ سے معطل کر دیا ہے۔
جس کی وجہ سے اکتوبر 2022 میں انڈر 17 ویمنز فٹبال ورلڈ کپ کے انعقاد پر خدشات کے بادل منڈلا رہے ہیں۔
یو این آئی
