سابق یوتھ ورلڈ چیمپئن بھارت کی ساکشی (57کلوگرام) نے اردن کے عمان میں ایشیا/اوشنیا اولمپک کوالیفائر ٹورنامنٹ میں فاتحانہ شروعات کرتے ہوئے چوتھی سیڈ مکہ باز تھائی لینڈ کی نیلاون تیچاسوئیپ کو بدھ کو 4-1 سے شکست دیکر کوارٹر فائنل میں داخلہ حاصل کرلیا اور ا ب وہ اولمپک ٹکٹ حاصل کرنے سے ایک قدم دور رہ گئی ہے۔
19سالہ ساکشی نے 2019ایشیائی چیمپئن شپ کی چاندی تمغہ یافتہ تھائی مکہ باز کو مقابلے میں ٹکنے نہیں دیا۔ ساکشی کا کوارٹر فائنل میں کوریا کی ام ایجی سے مقابلہ ہوگا۔
اس نے گوہاٹی میں 2017میں ورلڈ یوتھ چیمپئن شپ میں 60کلوگرام زمرہ میں خطاب جیتا تھا۔
ٹورنامنٹ کے تیسرے دن عالمی چیمپئن شپ میں کانسہ تمغہ یافتہ منیش کوشک (63)، سچن کمار (81) اور آشیش کمار (75) مقابلوں میں اتریں گے۔
