کوروناوائرس کا سایہ کھیل کی دنیا میں پوری طرح سے اثر انداز ہے۔ بھارت میں یکے بعد دیگرے کھیل دفاتر کو بند کرنے کا فیصلہ کیا جارہا ہے ۔
بھارتی بیڈمنٹن یونین (بائی) نے خطرناک کورونا وائرس کے خطرے کے سبب اپنے دفتر کو 23 مارچ سے بند کرنے کا فیصلہ کیا ہے اور بائی کورونا سے پیدا صورتحال پر 31 مارچ کو جائزہ لے گا۔
بائی کے سیکرٹری جنرل اجے کے سنگھانيا نے جمعہ کو ایک بیان جاری کرکے کہاکہ وزارت کھیل اور حکومت ہند کی طرف سے جاری سیکورٹی ایڈوائزری کو دیکھتے ہوئے ہم نے اپنے آفس 23 مارچ 2020 سے بند کرنے کا فیصلہ کیا ہے۔ تمام متعلقین کے ساتھ صورت حال پر تبادلہ خیال کرنے کے بعد ہم نے فیصلہ کیا کہ بائی کے لئے عملے کی حفاظت اولین ترجیح ہے۔
بائی نے اپنے تمام عملے کے ارکان کو مشورہ دیا ہے کہ وہ گھر سے کام کریں اور ضرورت پڑنے پر ہی آفس جائیں۔
